អ្នកសារព័ត៌មាន អភិជន កំពុងលូកដៃ សរសេរអត្ថបទ ខ្វះការពិចារណា ដោយខ្លួន មិនដឹងថា រឿងណាត្រូវរឿងណាខុស

ភ្នំពេញ៖ រឿងបទល្មើស ក្រុមឈ្មួញរកស៊ីរត់ពន្ធម៉ូតូ ឆ្លងដែនខុសច្បាប់ នៅជិត អធិការដ្ឋានស្រុក សំពៅលូន ប្រហែល៣០០ម៉ែត្រ ដែលអ្នកសារព័ត៌មាន បានធ្វើសេចក្តីរាយការណ៍ និងផ្សាយចេញទៅ៖

ចេញផ្សាយវគ្គ១ សេចក្តីរាយការណ៍ជូនឧត្តមសេនីយ៍ទោស្នងការនគរបាលខេត្តបាត់ដំបង សូមមេត្តាត្រួតពិនិត្យផងទាន នូវទីតាំងស្តុកម៉ូតូអត់ពន្ធនៅភូមិសាស្ត្រនាទឹកដីស្រុកសំពៅលូន

ចេញផ្សាយវគ្គ២ លោក អ៊ឹម កុសល ស្នងការរង និងជាអ្នកនាំពាក្យ នៃស្នងការដ្ឋាននគរបាលខេត្តបាត់ដំបង ឆ្លើយបំភ្លឺមកកាន់អង្គភាពសារព័ត៌មានយើង ដូចខ្វះរសជាតិ ក្នុងនាមជាមន្ត្រី ( ផ្សាយវគ្គ២ )

ចេញផ្សាយវគ្គ៣ អង្គភាពអ្នកសារព័ត៌មានយើង មានសេចក្តីសោកស្តាយបន្តិច នូវឃ្លាខ្លះ ពីសេចក្តីបំភ្លឺព័ត៌មានរបស់ស្នងការនគរបាលខេត្តបាត់ដំបង

ចេញផ្សាយវគ្គ៤ សមត្ថកិច្ចកម្ពុជា-ថៃ ខិតខំប្រឹងប្រែងទប់ស្កាត់បទល្មើសរត់ពន្ធ ដូចភ្លៀងរលឹម ចុះហេតុអ្វីនៅទឹកដីស្រុកសំពៅលូន មានទីតាំងស្តុកមូតូរត់ពន្ធដ៏ធំ ក្បែរអធិការបែជាមេីលមិនឃេីញ

អង្គភាពអ្នកសារព័ត៌មានយើង រាយការណ៍ផ្ទាល់ជូន ឯកឧត្តម សុខ លូ អភិបាលនៃគណៈអភិបាលខេត្តបាត់ដំបង ឯកឧត្តមលោកបានបញ្ជាក់ថា ឲ្យតែព័ត៌មានពិត និងសូមការសហការក្នុងការចុះបង្ក្រាប។ ការផ្សាយព័ត៌មានទាក់ទិនទៅនឹងម៉ូតូរត់ពន្ធឆ្លងដែនខុសច្បាប់ដែលមន្ត្រីអសមត្ថភាពប្រចាំតំបន់ខ្វះការទទួលខុសត្រូវក្នុងនាមជាមន្ត្រីដែលស៊ីប្រាក់ខែរដ្ឋមិនគោរពបទបញ្ជា០០៦ របស់អគ្គស្នងការនគរបាលជាតិ។ ដោយហេតុបទល្មើសនៅជិតនិងអធិការស្រុកសំពៅលូនប្រមាណជាង៣០០ម៉ែត្រ។ របាយការណ៍ស្នងការនគរបាលខេត្តបាត់ដំបងធ្វើរបាយការណ៍ភូតភរកុហកថ្នាក់ដឹកនាំ យោងលើសេចក្តីបំភ្លឺព័ត៌មាន របស់ស្នងការនគរបាលខេត្តបាត់ដំបង។

អង្គភាពអ្នកសារព័ត៌មានយើងមិនចង់ជជែកវែកញែកជាមួយអ្នកសារព័ត៌មានអភិជនប៉ុន្មានទេ កុំឱ្យគេថាយើងតោងកាលីប ព្រោះអង្គភាពអ្នកសារព័ត៌មានយើងគ្រាន់តែជាអង្គភាពផ្សព្វផ្សាយព័ត៌មានពិតប្រាកដជូនដំណឹងទៅរាជរដ្ឋាភិបាល មិនមែនជាតុលាការកាត់ក្តីនិងដាក់បទបញ្ជាឲ្យមន្ត្រីរាជការតាមបណ្ដាខេត្តនានានិងធ្វើការគោរពប្រតិបត្តិតាមនោះឡើយ។ ហើយសូមបញ្ជាក់ថាអង្គភាពអ្នកសារព័ត៌មានយើង មិនដែលដើរទៅទារលុយគេតាមការចោទប្រកាន់របស់បុគ្គលមួយចំនួននោះដែរ ក្នុងនាមអ្នកសារព័ត៌មានប្រកបដោយវិជ្ជាជីវៈក្រុមសីលធម៌ សុជីវធម៌ព័ត៌មានពិតរហ័សប្រមាញ់រូបភាព ពិតៗ គ្រាន់តែជារបាយការណ៍ជូនថ្នាក់ដឹកនាំឲ្យបានជ្រាបតែប៉ុណ្ណោះ។

សូមកុំយកមហិច្ឆតារបស់ខ្លួនមកបំផ្លាញគំនិតអ្នកដទៃ កើតមកជាមនុស្សត្រូវរស់ឲ្យមានតម្លៃ សូមកុំធ្វើព័ត៌មាននៅលើកៅអីខ្វះការពិចារណា ដូចពាក្យចាស់លោកតែងពោលថាចេះឯងឲ្យក្រែងចេះគេ មនុស្សយើងមានបទពិសោធន៍ផ្សេងៗគ្នា ក្នុងនាមជាអ្នកសារព័ត៌មានគួរតែផ្ដល់តម្លៃឲ្យគ្នាទៅវិញទៅមក។ អង្គភាពអ្នកសារព័ត៌មានគ្រាន់តែជាកញ្ចក់ឆ្លុះបញ្ចាំងរិះគន់ក្នុងន័យស្ថាបនា ដើម្បីចូលរួមចំណែកជាមួយរាជរដ្ឋាភិបាលផ្សព្វផ្សាយព័ត៌មានលើកស្ទួយ សង្គមជាតិឲ្យរីកចម្រើន ទោះបីអង្គភាពអ្នកសារព័ត៌មានយើងជាអង្គភាពតូចៗក្តី មនុស្សយើងមានតម្លៃស្មើៗគ្នា អ្នកដែលឲ្យតម្លៃគឺខ្លួនឯង សូមអរគុណ។