សេចក្តីបំភ្លឺព័ត៌មាន៖ ក្រុមការងារព័ត៌មាននិងប្រតិកម្មរហ័សនៃស្នងការដ្ឋាននគរបាលខេត្តបាត់ដំបង ទៅ ម្ចាស់គណនីហ្វេសប៊ុកឈ្មោះ Oun Peap
បាត់ដំបង៖ យោងតាមបង្ហោះក្នុង ស្នងការដ្ឋាននគរបាលខេត្តបាត់ដំបង សេចក្តីបំភ្លឺព័ត៌មាន៖ ក្រុមការងារព័ត៌មាននិងប្រតិកម្មរហ័សនៃស្នងការដ្ឋាននគរបាលខេត្តបាត់ដំបងមានកិត្តិយសសូមគោរពជម្រាបជូន សាធារណជនអ្នកសារព័ត៌មាន និងអ្នកនិយមប្រើប្រាស់បណ្តាញសង្គមបានជ្រាបថា នាប៉ុន្មានម៉ោងមុននេះម្ចាស់គណនីហ្វេសប៊ុកឈ្មោះOun Peap បានសរសេរបង្ហោះនៅក្នុងគណនីហ្វេសប៊ុករបស់ខ្លួន ទាក់ទងនឹងការពង្រឹងនិងអនុវត្តច្បាប់ស្តីពីចរាចរណ៍ផ្លូវគោកនៅចំណុចភ្លេីងស្តុប ផ្សារ១៣មករា ក្រុងបាត់ដំបង ដែលការបង្ហោះផ្សព្វផ្សាយនេះម្ចាស់គណនីបានរៀបរាប់អំពីចំណុចអវិជ្ជមានរបស់មន្រ្តីនគរបាលនៅទីនោះ និងនាំទៅដល់ អ្នកប្រេីប្រាស់បណ្តាញសង្គមខ្លះ យកមកធ្វេីជាវេទិកា វាយប្រហារដោយពាក្យសំដីអសុរសនិង ចោទប្រកាន់ បន្ថែមចំពោះមន្រ្តីនគរបាលចរាចរណ៍ទូទៅ។
ដេីម្បីមានមូលដ្ឋានគ្រប់គ្រាន់ក្នុងការវាយតម្លៃ សន្និដ្ឋានចំពោះបញ្ហានេះ ថ្នាក់ដឹកនាំស្នងការគឺលោកឧត្តមសេនីយ៍ទោ សាត គឹមសាន ស្នងការនៃស្នងការដ្ឋាននគរបាលខេត្តបាត់ដំបង ដាក់បទបញ្ជាដល់ផែនជំនាញនិងនាយការិយាល័យនគរបាលចរាចរណ៍ផ្លូវគោក ធ្វេីការសាកសួរ ស្រាវជ្រាវ ទាំងមន្រ្តីនគរបាលចរាចរណ៍នៅគោលដៅនោះ និងម្ចាស់គណនីហ្វេសប៊ុកខាងលេីផងដែរ ។
ករណីរកឃេីញថា មន្រ្តីនគរបាលរូបណាប្រព្រឹត្តិមិនត្រឹមត្រូវតាមជំនាញ វិជ្ជាជីវៈ ឬប្រព្រឹត្តិផ្ទុយពីវិន័យរបស់កងកម្លាំងនគរបាលជាតិនោះ ថ្នាក់ដឹកនាំស្នងការដ្ឋាននិងមានវិធានការតាមទិដ្ឋភាពជាក់ស្តែង នៃកំហុសឆ្គង ហេីយក្នុងករណីម្ចាស់យានឬម្ចាស់គណនីខាងលេីមានកំហុសនោះសមត្ថកិច្ចនឹងអនុវត្តទៅតាមផ្លូវច្បាប់ជាធរមាន។
ដូចបានជម្រាបជូនខាងលើសូមសាធារណជនអ្នក សារព័ត៌មាន ម្ចាស់គណនីខាងលេី និងអ្នកនិយមប្រើប្រាស់បណ្តាញសង្គមមេត្តាជ្រាបជាព័ត៌មាន សូមអរ គុណ៕ (ក្រុមការ ងារព័ត៌មាននិងប្រតិកម្មរហ័ស)By kosal!9/12/2023
Post a Comment