ករណីបាញ់ជនជាតិចិន នៅក្រុងព្រះសីហនុ កាលពីថ្ងៃម្សិលមិញ ពេលនេះជនរងគ្រោះបានស្លាប់ហើយ ខណ:សមត្ថកិច្ច កំពុងធ្វើការស្រាវជ្រាវរកខ្មាន់កាំភ្លើង (មានវីដេអូ)

ខេត្តព្រះសីហនុ ៖ មានករណីជនជាតិចិនម្នាក់ ឈ្មោះ Ah Hui (អាហ៊ុយ) ត្រូវបានខ្មាន់កាំភ្លើងបាញ់សម្លាប់ នៅខេត្តព្រះសីហនុ កាលពីថ្ងៃទី១៥ ខែមិថុនាម្សិលមិញ នៅវេលាម៉ោងប្រហែល ៧ ព្រឹក នៅមុខកាស៊ីណូ ឈ្មោះ យ៉ាឌូលី មានទីតាំងក្នុងក្រុម ១៦ ភូមិ៤ សង្កាត់លេខ ៤ ក្រុងព្រះសីហនុ។

យោងតាមព័ត៌មានចុងក្រោយ Ah Fai (អាហ៊ុយ) បានស្លាប់ ក្រោយបញ្ជូនទៅមន្ទីរពេទ្យ។ 
អត្តសញ្ញាណខ្មាន់កាំភ្លើង ក្នុងករណីបាញ់ប្រហារនេះ មិនត្រូវបានគេដឹង នៅឡើយនោះទេ ដោយក្រោយពីប្រព្រឹត្តបទល្មើសហើយ បានចាកចេញពីកន្លែងកើតហេតុ។    

ទាក់ទិនទៅនឹងបញ្ហានេះ លោកឧត្តមសេនីយ៍ត្រី ណុប បញ្ញា ស្នងការរងទទួលផែនព្រហ្មទណ្ឌ បានឲ្យដឹងថា ជនរងគ្រោះក្នុងអំពើបាញ់នេះ ពិតជាបានស្លាប់មែនតែ បច្ចុប្បន្ននេះ ប៉ូលីស កំពុងស្រាវជ្រាវ ដើម្បីអនុវត្តទៅតាមផ្លូវច្បាប់៕